ALLAH ARSH PAR HAI Qur'an or hadees se part 2

HHAQUE & BATIL ISLAMIC RESEARCH CENTRE

5. Abu Saeed Khudri RA Yaman Se Layi Jane Wali Zakat Ki Takseem Ka Ek Waqiya Bayan Karte Hue Kehte Hai K Rasool Allah SAW Ne Farmaya: Kya Tum Loog Mujhe Amanatdaar Nhi Jaante Jabke Mai Uski Taraf Se Amanatdaar Hu Jo Aasman Par Hai, Aur Mujhe Subah Wa Shaam Se Khabar Aati Hai. (Sahih Bukhari Kitabul Magazi Hadees No. 4351, Sahih Muslim Kitabuz Zakaat Hadees No. 2500)

6. Abu Huraia RA Kehte Hai K Rasool Allah SAW Ne Irshaad Farmaya: Jisne Paak (Halaal) Kamayi Se Khajoor K Barabar Bhi Sadqa Kiya Aur (Yaad Rakho K) Allah Ki Taraf Pakeeza (Cheez) K Elawa Aur Kuch Nahi Chadhta To Allah Us Sadqa Ko Apne Sidhey Hath Mai Qabool Farmata Hai Aur Us Sadqa Ko Sadqa Karne Wale K Liye Badhata Hai Yaha Tak Wo Pahaad K Barabar Ho Jata Hai. (Sahih Bukhari Kitabut Tauheed Hadees No. 7430)

7. Abu Huraira RA Se Hi Riwayat Hai K Rasool Allah SAW Ne Irshaad Farmaya: Uski Kasam Jis K Haath Mai Meri Jaan Hai Jab Koi Khawind Apni Beewi Ko Apne Bistar Par Bulaye Aur Wo Beewi Inkaar Kare To Wo Jo Aasman Par Hai Us Aurat Se Us Waqt Tak Naraaz Rehta Hai Jab Tak Us Aurat Ka Khawind Us Se Raazi Nhi Hota. (Sahih Muslim Kitabul Nikah Hadees No. 1436)

8. Abdullah Bin Umar Wa Bin Aaas Raziallahu Anhuma Kehte Hai K Rasool Allah SAW Ne Farmaya: Reham Karne Walo Par Rehmaan Reham Karta Hai, Tum Us Par Reham Karo Jo Zameen Par Hai, Tum Par Wo Reham Karega Jo Aasman Par Hai. (Sunan Tirmizi Hadees No. 1924, Sunan Abu Dawood Kitabul Adab Hadees No. 4931, Musannaf Ibne Abi Shaiba Kitabul Adab Hadees No. 925)

9. Abu Huraia RA Kehte Hai K Rasool Allah SAW Ne Irshaad Farmaya: Jab Allah Takhleeq Mukammal Kar Chuka To Usne Kitab Mai Likha K Mere Rehmat Mere Gussey Par Galib Hogi Wo Kitab Allah K Paas Hai Arsh K Uper. (Sahih Bukhari Kitabul Bad Ul Khalk Hadees No. 3194, Sahih Muslim Kitabut Tauba Hadees No. 2751)

Allah K Rasool Allah SAW Saaf Bata Rahe Hai K Allah Arsh K Uper Hai, Har Jagah Nhi, Aaiye Dekhte Hai K Arsh Kaha Hai, Kahi Aesa To Nhi K Arsh Yahi Kahi Ho Aur Allah Bhi???

10. Abu Huraia RA Kehte Hai K Rasool Allah SAW Ne Irshaad Farmaya: Jo Allah Aur Uske Rasool Par Emaan Laya Aur Namaz Ada Karta Raha Aur Ramzan K Rooze Rakhta Raha To Allah Par (Uska) Ye Haqq Hai K Allah Use Jannat Mai Dakhil Kare Khawah Usne Allah Ki Raah Mai Jihaad Kiya Ho Ya Apni Basti Mai Hi Zindagi Guzari Ho To Sahaba RA Ne Kaha: Ae Allah K Rasool Allah SAW Kya Hum Loogo Ko Ye Khushkhabri Suna De? To Rasool Allah SAW Ne Farmaya: Allah Ne Allah Ki Raah Mai Jihaad Karne Walo K Liye Jannat Mai Ek Soo Darjaat Bana Rakhey Hai, Har 2 Darjaat K Darmiyaan Itna Fasila Hai Jitna Zameen Aur Aasman K Darmiyan Hai, Lihaza Jab Tum Allah Se Sawaal Karo To Firdoos Mango Kyunki Wo Jannat Ka Darmiyani Aur Sab Se Buland Muqaam Hai, Mai Samajhta Hu K Us K Uper Rehman Ka Arsh Hai Jis Mai Se Jannat K Darya Phoot Te Hai. (Sahih Bukhari Kitabul Jihaad Hadees No. 2790)

11. Jareer RA Kehte Hai K Rasool Allah SAW Ne Farmaya: Jo Un Par Reham Nahi Karta Jo Zameen Par Hai Us Par Wo Reham Nhi Karta Jo Aasman Par Hai. (Tabraani Hadees No. 2494, Tagzibut Tahzeeb Hadees No. 3411, Sahih Tagzibut Tahzeeb Hadees No. 2255)

12. Salman Faarsi RA Kehte Hai K Rasool Allah SAW Ne Farmaya: Tumhara Rabb Bahut Haya Karne Wala Aur Buzurgi Wala Hai, Jab Uska Koi Banda Uski Taraf Apne Dono Haath Buland Karta Hai To Allah Uski Baat Se Haya Karta Hai K Us Bande K Haatho Ko Khali Na Moodey. (Sunan Abu Dawood Hadees No. 1485, Sunan Tirmizi Hadees No. 3556)

Jab Banda Apne Haath Uthata Hai To Uske Haath Aasman Ki Taraf Hote Hai, Agar Allah Har Jagah Mojood Hai To Aagey Pichey Daaye Baaye Kisi Bhi Taraf Haath Phela Kar Dua Karli Jaani Chahiye, Aasman Ki Taraf Uper Ki Taraf Haath Kyu Uthaaye Jaate Hai???

13. Abdullah Ibne Umar RA Kehte Hai K Rasool Allah SAW Ne Farmaya: Mazloom Ki Baddua Se Daro Kyunki Wo Chingari Ki Tarha Aasman Ki Taraf Chadhti Hai. (Mustadrak E Hakim Hadees No. 81 Is Hadees Ko Imam Hakim Ne Kaha Hai K Ye Muslim Ki Shart Par Sahih Hai)

14. Nawaas Bin Sa’maan Kalbi RA Fitna E Dajjal K Aur Yajooj Majooj K Nikalne Aur Qatal Ki Khabro Par Mushtamil Ek Lambi Hadees Bayan Karte Hue Kehte Hai K Rasool Allah SAW Ne Farmaya: Phir Yajooj Majooj Chal Padege Aur Khamr Naami Pahaad K Paas Ja Pahunchege, Aur Ye Pahaad Baitul Muqaddas Wala Pahaad Hai..

ALLAH ARSH PAR HAI (AQWAAL E SAHABA RA SE DALEEL)



Quran Aur Ahadees E Rasool Sallallahu Alaihi Wa Sallam K Baad Hum Aqwaal E Sahaba Razi Allahu Anhum Ajmaeen Ki Taraf Aatey Hai

1. Abdullah Ibne Umar RA Kehte Hai “Rasool Allah SAW Ki Wafaat K Baad Rasool Allah SAW K Pehle Bila Fazl Khalifa Amirul Momineen Abu Bakr RA Allah K Rasool Allah SAW K Hujre Mai Aye Aur Jhuk Kar Aap Rasool Allah SAW Ki Maiyyat E Mubarak Ko Peshani Par Boosa Diya Aur Farmaya: Aap Par Mere Maa Baap Qurbaan Ho Aap Zindagi Mai Bhi Pakeeza They Aur Mar Kar Bhi Pakeeza Hai Aur Phir Bahar Tashreef Laye Aur Sahaba RA Se Khitab Farmate Hue Irshad Farmaya:

Ae Loogo Agar To Muhammad SAW Tumhare Mabood They Jin Ki Tum Ibadat Karte They To Phir Jaan Lo K Tumhare (Wo) Mabood Muhammad SAW Foout Ho Gye Hai, Aur Agar Tum Loogo Ka Mabood Wo Hai Jo Aasmano Par Hai To Phir Tumhara Mabood Nhi Mara”.

(Imam Bukhari Ki Tarikhul Kabeer Hadees No. 623, Musannaf Ibne Abi Shaiba Hadees No. 37021, Imam Zahabi Aur Imam Sakhawi Ne Ise Sahih Kaha Hai)

2. Kaeis Rh Kehte Hai “Jab Amirul Momineen Hazrat E Umar RA Shaam Gaye To Apni Oothni (Camel) Par Sawar They, Loogo Ne Usne Kaha Agar Aap Ghode Par Sawar Hote To Accha Tha Kyunki Aap Se Milne K Liye Bade Bade Loog Aye Hai To Hazrat E Umar RA Ne Farmaya: Kya Mai Tum Loogo Ko Yaha Se Dikhai Nhi De Raha, Balke Fesley To Waha Se Hote Hai Aur Ye Kehte Hue Apni Ungli Se Aasman Ki Taraf Ishara Kiya”.

(Musannaf Ibne Abi Shaiba Hadees No. 33844 Aur 34443 Al Albani Ne Kaha Is Ki Sanad Bukhari Aur Muslim Ki Shara’it K Mutabik Sahih Hai)

3. Hafiz Qaazi Abu Ahmad Bin Ahmad Isaal Al Subhaani Rh Ne Riwayat Ki K Abdullah Ibne Mas’ood RA Ne Kaha: Allah Paak Hai Aur Khalis Taareef Allah Hi K Liye Hai Aur Allah Sabse Bada Hai, To In Alfaaz Ko Lekar Ek Farishta Allah Azz Wa Jal Ki Taraf Chadhta Hai, Aur Jin Jin Farishto K Paas Se Wo Farishta Guzarta Hai Wo Farishte Ye Alfaaz Kehne Wale K Liye Magfirat Ki Dua Karte Hai Yaha Tak K In Alfaaz Se Rehman Ka Chehra Khush Ho Jata Hai. (Imam Shamsuddeen Zahabi Ne “Al Aluwul Alil Gaffar” Mai Kaha K Is Riwayat Ki Sanad Sahih Hai)

4. Imam Usman Bin Saeed Daarmi “Al Radd Alal Jahmiyah” Mai Sahih Sanad K Saath Abdullah Bin Mas’ood RA Ka Ye Qaul Nakal Kiya: Kabhi Kisi Bande Ko Tijarat Wa Haqoomat Ki Khawahish Hoti Hai Aur Jab Wo Kaam Uske Liye Asaan Hone Lage To Allah Ta’ala Uski Taraf Saato Aasmano K Uper Se Dekhta Hai Aur Farishto Se Kehta Hai: In Kaamo Ko Is Bande Se Door Kardo Agar Ye Kaam Mene Is K Liye Muhaiyya Kar Diye To Ye Kaam Ise Jahannam Mai Dakhil Karne Ka Sabab Ban Jayenge. (Imam Ibne Qayyim Rh Ne Bhi Al Jayoosh Al Islamiya Mai Is Riwayat Ki Sanad Ko Durust Karaar Diya)

Read More

ALLAH ARSH PAR HAI Qur'an or hadees se part 1

HHAQUE & BATIL ISLAMIC RESEARCH CENTRE



ALLAH ARSH PAR HAI (QURAN SE DALEEL)



Bismillahirrahmanirraheem

1. Beshaq Tumhara Rab Wo Hai Jisne Aasmano Aur Zameen Ki Takhleeq 6 Din Mai Ki Phir Arsh Par Qayam Hua Wo Din Ko Raat Se Is Tarha Chipa Deta Hai K Raat Din Ko Jaldi Se Aa Leti Hai Aur Suraj Aur Chaand Aur Dusre Sitaro Ko Is Tarha Banaya K Wo Sab Allah K Hukm K Tabay Hai, To Kya Us K Liye Hi Nhi Hai Khaliq Hona Aur Hakim Hona Badi Hi Khubiyo Wala Tamaam Jahano Ka Rabb.(Surah Aaraaf Surah No. 7 Ayat No. 54)

2. Beshaq Tumhara Rabb Wo Hai Jisne Aasmano Aur Zameen Ki Takhleeq 6 Din Mai Ki Phir Arsh Par Qayam Hua (Waha Se Tamaam) Kaam Ki Tadbeer Karta Hai Koi Uski Ijazat K Bagair (Uske Saamne) Shifa’at Karne Wala Nhi Hai, Aesa Hai Tum Sab Ka Rabb Lihaza Uski Ibadat Karo Kya Tum Phir Bhi Soochte Nhi. (Surah Younus Surah No. 10 Ayat No. 3)

3. Allah Wo Hai Jin Ne Aasmano Ko Bagair Satoono K Buland Kiya (Jesa K) Tum Is (Aasmani Dunya) Ko Dekh Rahe Ho Phir Allah Arsh Par Qayam Hua Aur Suraj Aur Chand Ko Is Tarha Apne Ma’tahat Kiya K Wo Ek Muqarrar Shuda Waqt Tak K Liye Chal Rahe Hai Allah Hi Kaam Ki Tadbeer Karta Hai (Aur) Wazahat K Sath Nishaniya Bata Raha Hai Takey Tum Loog Apne Rabb Se Milne Par Yakeen Kar Lo. (Surah Ra’ad Surah No. 13 Ayat No. 2)

4. Rahman (Wo Hai Jo) Arsh Par Qayam Hai. (Surah Taha Surah No. 20 Ayat No. 5)

5. Rahman Wo Hai Jisne Aasmano Aur Zameen Aur Jo Kuch Bhi In K Darmiyan Hai (Sab) Ki Takhleeq 6 Din Mai Ki Phir Arsh Par Qayam Hua Pas Aap Us K Baare Mai Kisi Khabargeer Se Hi Puchey. (Surah Furqaan Surah No. 25 Ayat No. 59)

6. Allah Wo Hai Jisne Aasmano Aur Zameen Aur Jo Kuch Bhi In K Darmiyan Hai (Sab) Ki Takhleeq 6 Din Mai Ki Phir Arsh Par Qayam Hua (Allah K Saamne) Allah K Elawa Tum Sabka Koi Madadgaar Nahi Aur Na Hi Koi Sifarish Karne Wala Kya Tum Loog Yaad Nhi Rakhte.(Surah Sajda Surah No. 32 Ayat No. 4)

7. Allah Wo Hai Jisne Aasmano Aur Zameen Ki Takhleeq 6 Din Mai Ki Phir Arsh Par Qayam Hua Wo Janta Hai Jo Kuch Zameen Mai Dakhil Hota Hai Aur Jo Kuch Zameen Se Nikalta Hai, Aur Jo Kuch Aasmano Se Utarta Hai Aur Aasman Mai Chadta Hai Aur Tum Lood Jaha Kahi Bhi Ho Wo Tum Loogo K Sath Hai Aur Jo Kuch Tum Loog Karte Ho Allah Wo Sab Dekhta Hai.(Surah Hadeed Surah No. 57 Ayat No. 4)

Is Mandarja Bala Aayat E Mubaraka Mai Hamare Is Rawa Mouzu Ki Daleel K Sath Sath Ek Aur Baat Ki Bhi Wazahat Hai, Jis K Bare Mai Aksar Loog Galat Fehmi Ka Shikaar Hote Hai, Aur Wo Hai Allah Ki “Ma’iyat” Yani Uska Sath Hona Jis K Bare Mai Amuman Ye Khayal Kiya Jata Hai K Allah Subhanahu Wa Ta’ala Apni Zaate Mubarak K Zariye Kisi K Sath Hota Hai, Jo Ki Durust Nhi Hai Kyunki Allah Ne Khud Hi Apni “Ma’iyat” Ki Kefiyat Bayan Farmate Hue Irshad Farmaya: WALLAHU BIMA TAMALOONA BASEER Aur Jo Kuch Tum Loog Karte Ho Allah Wo Sab Dekhta Hai Yani Allah Ka Sath Hona Uske Ilm Wa Kudrat, Simaat Wa Basarat K Zariye Hai, Na K Uski Zaat E Mubarak K Wajood Paak K Sath Kisi K Sath Hona Hai.

8. Jo Koi Izzat Chahta Hai To (Wo Ye Jaan Le K) Tamaam Tar Izzat Allah K Liye Hai (Yani Izzat Dene Wala Wahi Hai) Paak Batey Us (Allah) Ki Taraf Chadti Hai Aur Nek Amal Apne Karne Wale Ko Buland Karta Hai Aur Jo Loog Buraiya Karte Hai Unke Liye Shadeed Azaab Hai Aur Unki Buri Haali Hi Nestey Nabood Hogi. (Surah Fatir Surah No. 35 Ayat No. 10)

9. Sawal Karne Wale Ne Azaab K Bare Mai Sawal Kiya Jo Wakai Hone Wala Hai Kafiro K Liye Us Azaab Ko Door Karne Wala Koi Bhi Nahi Allah Ki Taraf Se (Allah Hi Hai) Jo (Aasmano Ki) Sidhiyo Ka Malik Hai Us (Allah) Ki Taraf Farishte Aur Rooh (Unhe Seediyo K Zariye) Chadhte Hai Ek (Aese) Din Mai Jis Ki Mikdaar (Tumhari Ginti K Mutabik) 50 Hazaar Saal K Barabar Hai. (Surah Ma’arij Surah No. 70 Ayat No. 1 Se 4 Tak)

10. Wo (Allah) Aasman Se Le Kar Zameen (Har) Kaam Ki Tadbeer Farmata Hai Phir Wo (Kaam) Ek Aese Din Mai Jis Ki Mikdaar Tumhari Ginti K Mutabik 1000 Saal Hai Allah Ki Taraf Chadh Jata Hai. (Surah Sajda Surah No. 32 Ayat No. 5)

11. Wo (Yani Farishte) Apne Oopar Se Apne Rabb Se Darte Hai Aur Jo Huqm Unhe Diya Jata Hai Usi K Mutabik (Har) Kaam Karte Hai.Surah Nahal Surah No. 16 Ayat No. 50)

Allah Ta’ala K Mandarja Bala Farameen Se Saaf Wazey Toor Par Samajh Ata Hai K Allah Apni Tamaam Tar Makhlook K Upar Us Se Juda Aur Buland Hai Kisi Lafz Ki Koi Tashrih Ya Taweel Karne Se Pehle Hame Allah K Ye Darj Zael Farameen Bhi Zehan Mai Rakhne Chahiye Jin Mai Allah Ne Apne Rasool Muhmmad SAW Ko Mukhatib Farma Kar Unke Ummatiyo Ko Unki Aap Saw K Mansab Risalat Ki Zimmedariyo Mai Se Sab Se Aham Zimmedar Batai Hai Aur Hame Ye Samjhaya K Allah K Farameen Mubaraka Ko Allah K Rasool SAW Ki Bayan Karda Qauli Aur Amli Tafseer, Sharah Aur Talimaat K Mutabik Samjha Hai Na K Apni Akal Wa Sooch, Mijaaz Pasand Na Pasand Aur Apne Khud Saakta Jahalat Zuda Falsafo K Mutabik.



ALLAH ARSH PAR HAI (HADEES E RASOOL SAW SE DALEEL)
Bismillahirrahmanirraheem

Zikr Shuda Ayaat E Mubaraka K Baad Ab Insha Allah Ahadees E Sharifa Zikr Karta Hu Aeiye Dekhte Hai K Allah K Rasool SAW Ne Allah Ki Is Sifate Uloo Yani Tamaam Tar Makhlooq Se Juda Aur Buland Hone K Bare Mai Kya Farmaya Hai:

1. Muaviya Ibne Hakeemus Sulmi RA Farmate Hai Mere Paas Ek Baandi Hai Jo Uhad (Pahaad) K Saamne Aur Ird Gird Meri Bakriya Charaya Karti Thi Ek Din Mene Dekha K Uski (Nigrani Mai Meri) Jo Bakriya Thi Un Mai Se Ek Ko Bediya Le Gaya, Mai Aadam Ki Aulad Mai Se Ek Aadmi Hu Jis Tarha Baaki Aadmi Gamgeen Hote Hai Mai Bhi Usi Tarha Gamgeen Hota Hu, Lekin Mene (Is Gam Mai) Use Ek Thappad Maar Diya, To Mai Rasool Allah SAW K Paas Aya Kyunki Use Thappad Maarna Mere Liye (Dil Par) Bada (Boojh) Ban Gya Tha, Mene Arz Kiya “Ae Allah K Rasool SAW Kya Mai Use Azaad Kar Du?To Rasool Allah SAW Ne Irshad Farmaya: Us Baandi Ko Mere Paas Lao, To Mai Us Baandi Ko Le Kar Phir Dobara Hazir Hua To Rasool Allah SAW Ne Us Se Daryaft Farmaya Allah Kaha Hai? Us Baandi Ne Jawaban Arz Kiya “Aasmano Par”, Phir Daryaft Farmaya “Mai Kon Hu?”, Us Baandi Ne Jawaban Arz Kiya “Aap Allah K Rasool Hai” To Rasool Allah SAW Ne Mujhe Huqm Farmaya Ise Azaad Kar Do Ye Emaan Wali Hai. (Sahih Muslim Kitabul Masajid Hadees No. 537)

2. Abu Huraira RA Se Riwayat Hai K Rasool Allah SAW Ne Farmaya: Jab Raat Ka Akhiri Teesra Pehar Hota Hai To Hamara Rabb Allah Tabark Wa Ta’ala Har Raat Mai Dunya K Aasman Ki Taraf Utarta Hai Aur Farmata Hai “Kon Hai Jo (Is Waqt) Mujh Se Dua Kare K Mai Uski Dua Kabool Karu, Kon Hai Jo (Is Waqt) Mujhse Koi Sawal Kare K Mai Uska Sawaal Pura Karu, Kon Hai Jo (Is Waqt) Mujhse Magfirat Talab Kare K Mai Uski Magfirat Karu”. (Sahih Bukhari Kitabut Tahajjud, Sahih Muslim Kitabus Salaatul Musafireen Hadees No. 758)

3. Abu Huraira RA Kehte Hai K Rasool Allah SAW Ne Farmaya: Raat K Farishte Aur Din K Farishte Tum Loogo Mai Ek Dusre K Pichey Aatey Hai Aur Namaz E Asr Aur Namaz E Fajr K Waqt Ikatthey Ho Jate Hai (Yani Farishto Ka Ek Garoh Fajr K Waqt Ata Hai Aur Asr Tak Rehta Hai, Ye Din K Farishte Hai Aur Dusra Garoh Asr K Waqt Ata Hai Aur Fajr Tak Rehta Hai Ye Raat K Farishte Hai) Phir Wo Farishte Jinhone Tumhare Darmiyan Raat Guzari Hoti Hai (Yani Asr K Waqt Aane Wale Farishte) Uper (Allah Ki Taraf) Chadhte Hai To (Waha) Unka Rabb Unse Puchta Hai, Jabke Wo Bando K Baare Mai Farishto Se Jayada Janta Hai, Tumne Mere Bando Ko Kis Haal Mai Choda? To Farishte Kehte Hai Jab Humne Unhe Choda To Wo Loog Namaz Padh Rahe They Aur Jab Hum Unke Paas Gaye To Wo Namaz Padh Rahe They. (Sahih Muslim Kitabul Masajid Hadees No. 632, Sahih Bukhari Hadees No. 555, Sahih Ibne Khuzaima Hadees No. 321, Sahih Ibne Hibban Hadees No. 1736, Muatta Imam Malik Hadees No. 416, Musnad Ahmad, Sunan Nasai Kitabus Salaat Hadees No. 489)

4. Abu Huraira RA Se Hi Riwayat Hai K Rasool Allah SAW Ne Irshaad Farmaya: Beshaq Allah K Kuch Aese Farishte Hai Jo (Zameen Mai) Chalte Phirte Hi Rehte Hai, Aur (Allah K) Zikr Ki Majliso Ki Talaash Mai Rehte Hai, Jab Wo Koi Aesi Majlis Paate Hai Jis Mai (Allah Ka) Zikr Ho Raha Ho To Wo Zikr Karne Walo K Sath Baith Jate Hai Aur Ek Dusre Ko Apne Paro Se Dhanp Lete Hai, Yaha Tak K Unke Aur Dunya Wale Aasman K Saari Jagah Mai Wo Farishte Phir Jate Hai, Aur PhirJab Alag Hote Hai To Aasman Ki Taraf Chadhte Aur Buland Hote Hai, Rasool Allah SAW Ne Mazeed Farmaya: To (Waha) Allah Farishto Se Puchta Hai K Tum Sab Kaha Se Aye Ho? Jabke Allah Farishto K Bare Mai Khud Unse Jayada Janta Hai, To Farishte Jawaban Arz Karte Hai, Hum Aapke Un Bando K Paas Se Aye Hai Jo Zameen Mai Aap Ki Pakizagi, Aapki Ki Badhai, Aur Aapki Wahdaniyat Aur Aap Ki Tareef Bayan Karte Hai, Aur Aap Se Sawaal Karte Hai. (Sahih Muslim Kitab Zikr Wa Dua Hadees No. 7015)

Read More

Tawheed Kia hai hindi/urdu/English HBIRC

HHAQUE & BATIL ISLAMIC RESEARCH CENTRE

بِسْمِ اللہِ الرَّحْمٰنِ الرَّحِیۡمِ
TAWHEED
Tawheed Ek Ahem Mouzu Hai , Kyoun Ki Deen E Islam Deen E Tawheed Hai, Aqeda E Tawheed Wo Azeem Aqeda Hai ,Jiski Dawat Den Eke Liye Qaoum Wo Millat Ku Samjhane Ke Liye Har Dour Ke Andar Jitney Bhi Nabi , Rasooul Aaye Isi Tawheed Ke Paigam Ku Lekar Aaye.
Ambiya Ki Dawat Tawheed Say Shuru Huva Karti Thi.
Tawheed Wo Cheez Hai ,Jiske Liye Allah Ke Nabi Saws Ku Mushrikoun Ke Taraf Say Har Tarha Ki Taqleef Bardast Karni Padi. Wahi Wo Tawheed Hai Jiske Bagir Insaan Ki Mugfrit Mumkin Nahi.
Allah Ke Pas Qimti insane bane ke liye is tawheed ka hona bahut zaroori hai, yahi wo tawheed hai jo allah ku subsay zayda pasand hai.
Aamaal main nekiyoun main koi kaami hojaye bahut mumkin hai uski mugfrit hojaye, agar uski tawheed main koi kaami hojaye to uske sare aamaal barbaad hojaty hain.
Lafz E Tawheed Ka Matlab Ek Kardena Hai
Islami Shari Aitabar Say Sare Batil Maboudun Ku Choodkar Sirf Ek Allah Say Madad Talab Karna , Ibadat Ke Aitabar Say ,Sifaat Ke Aitabaar Say , Har Tarha Ki Madad Ki Aitabar Say Sirf Aur Sirf Ek Allah Say Tamaam Mamilaat Karna .Allah Talaah Ku Tamam Mamilaat Ke Sath Tasleem Karna Hai.
Ke Wahi Hai Jo Rizaq Deta Hai ,Wahi Hai Jo Shifa Deta Hai,Wahi Hai Jo Zindagi Deta Hai,Wahi Hai Jo Maut Deta Hai,Aur Wahi Qayamat Ke Din Zinda Karega.
Is Tawheed Ka Inkaar Deen E Islam Say Kharij Hojane Ka Sabaab Hai, Tawheed Hi Ke Liye Allah Ne Tamaam Nabi Aur Rasooulon Ku Bheja
Deen E Islam Main Kalma E Tawheed Ku Subsay Zayda Ahmiyat Hasil Hai.
Kalma E Tawheed Islam Ki Bunyadi Talimat Main Say Hai ,Islam Ki Arkan Main Say Subsay Pahila Rukun Yeah Hai Ke- Ek Insaan Is Baat Ki Gawahi De Ke Allah Ke Siwa Koi Ibadat Ke Layaq Nahi. Aur Isi Tawheed Par Insaaan Ki Najat Duniyan Aur Akhriyat Ki Falah Allah Ne Rakhi Hai.

Kalma e tawheed _ La Ilaha Illa Allah
1 – La Ilaha 2 – ilah Allah
1 La Ilaha __ Pahila Rukun Inkar Hai.Ki Koi Ilaah Nahi ,Na Zameenoun Main,Na Asmanoun Main, Na Fazoun Main,Na Hawaoun Main. Koi Ilaah Nahi
2 Ilah Allah – Dusra Rukun Iqrar Hai, Ki Allah Ke Siva Koi Illah Nahi.
Jabtak Indonoun Ku Jama Nahi Kiya Jayega Kalma Pura Nahi Hoga. Aur Isi Tarha Say Jab Tak Is Kalime Ke Takazoun Ku (Coundiction) Ku Pura Nahi Kiya Jayega Yeah Kalima Hame Faida Nahi Dega.
Ahle Ilm Ne Is Kalime Ke Takaze Bayan Kiye Hain Jo Muqtsar Hain.
1 – Tagout ka inkar
Allah Talah Quran Majeed Main Farmata Hai, (al baqrah- 2 ayt – 256 )
فَمَنْ یَّکْفُرْ بِالطّٰغُوۡتِ وَیُؤْمِنۡۢ بِاللہِ
Jo Koi Bhi Tagou Ka Inkar Karen Aur Phir Allah Par Iemaan Le Aaye
Allah Par Iemaan Lane Ke Liye Shirt Hai Ki Tagout Ka Inkaren Phir Allah Par Iemaan Le Aayen. Usne allah ka masboot sahara thaam liya.
2 _ ilm is kalime ka ilm rakhna.
Allah Talah Quran Majeed Main Farmata Hai. ( AL Mohammed- 47 Ayt- 19 )
فَاعْلَمْ اَنَّہٗ لَاۤ اِلٰہَ اِلَّا اللہُ
Yeah Ilm Hai Ke Allah Ke Ilawo Koi Ilaah Nahi. ……Allah Ke Ilawo Koi Nahi Jiske Naam Ki Nazar De Jayen, Allah Ke Ilawo Koi Nahi Jiske Naam Say Zaba Kiya Jayen, Allah Ke Ilawo Koi Nahi Jiski Ibaadat Ki Jayen.
Allah Talah Quran Majeed Main Farmata Hai. ( 43 ayt – 86 )
اِلَّا مَنۡ شَہِدَ بِالْحَقِّ وَ ہُمْ یَعْلَمُوۡنَ
Jo Haq Baat Ka Iqraar Karta Hai Usay Ilm Ho. Jo Kalime La Ilaha Illa Allah Ka Iqraar Karta Hai Wo Iska Mana Janta Ho Tab Jakar Usay Yeah Kalmia Faida Dega.

3 _ YAQEEN
Allah Talah Quran Majeed Main Farmata Hai. ( Al hujrat -49 Ayt – 15 )
اِنَّمَا الْمُؤْمِنُوۡنَ الَّذِیۡنَ اٰمَنُوۡا بِاللہِ وَ رَسُوۡلِہٖ ثُمَّ لَمْ یَرْتَابُوۡا
Momin To Wo Hain Jo Allah Aur Uske Rasooul Par Iemaan Layen Aur Shak Wo Shoba Ka Shikar Na Ho
Yaqeen Ka Matab Yeah Hai Ki Jo Is Kalime Ka Iqraar Karne Wala Hai Wo Ismain Kisi Tarha Ka Shak Na Kareen,
4 _ QUBOOL
Iska Matlab Is Kalime Ke Takaazoun Ku Qabool Karna Aur Aur Allah Hi Ki Ibadat Karna, Koi Shakz Is Kalime Ka Iqraar Karen Aur Isay Dilsay Qabooul Na Kareen To Yeah Kalmia Isay Koi Fadi Nahi Dega.
Allah Talah Quran Majeed Main Farmata Hai. ( safat -37 Ayt – 35 )
اِنَّہُمْ کَانُوۡۤا اِذَا قِیۡلَ لَہُمْ لَاۤ اِلٰہَ اِلَّا اللہُ ۙیَسْتَکْبِرُوۡنَ
Yeah Wo

Read More

Ham kiski karte hai Allah or uske Rasool (sw) Ki ya nhi

HHAQUE & BATIL ISLAMIC RESEARCH CENTRE

🌸🍃 *Assalamu Alaikum Wa Rahmatullahi Wa Barakatahu*🍃🌸
______________________________
👉 *Zara dil par haath rakh kar sonchiye hum kis ki Ata"at karte hai  ???*
______________________________

*قُلۡ  اِنۡ کُنۡتُمۡ تُحِبُّوۡنَ اللّٰہَ فَاتَّبِعُوۡنِیۡ یُحۡبِبۡکُمُ اللّٰہُ وَ یَغۡفِرۡ لَکُمۡ ذُنُوۡبَکُمۡ ؕ وَ اللّٰہُ غَفُوۡرٌ  رَّحِیۡمٌ*

👉 *Keh dijiye Ke agar tum Allah Ta"ala se mohabbat rakhte ho to meri tabedari karo khud Allah Ta"ala tum se mohabbat karega*🍃🌸

👉  *Aur tumhare gunah moaf farma dega aur Allah Ta"ala bada bakshne wala meharban hai*🍃🌸

👉 📗 *Al Quran Surah Al Imran 3,  aayat no 31,,*

*قُلۡ اَطِیۡعُوا اللّٰہَ وَ الرَّسُوۡلَ ۚ فَاِنۡ تَوَلَّوۡا فَاِنَّ اللّٰہَ  لَا یُحِبُّ الۡکٰفِرِیۡن*

👉 *Keh dijiye Ke Allah Taa'ala aur rasool ki ita’at karo agar ye muh pher len to beshak Allah Taa'ala kafiron se mohabbat nahi karta*🍃🌸

👉 📗 *Al Quran Surah Al Imran 3, aayat 32,,*

👉 *Aksar log Na Allah ka hukm maante hai Aur Na Nabi ki Ata"at karte hai*🍃

👉 *Kehte hai hum Nabi kareem sallallahu Alahiwa sallam se mohabbat karte hai*🍃

👉 *Nabi se mohabbat karne ke dawe katna dhoka hai jhoot  hai jab tak ki nabi ke tareeqe par na chala jaye nabi ke jaisi namaz roza  zakat  zindagi ke har mar hale me nabi sallallahu Alahiwa sallam ka tareeqa ko na apnaya jaye*🍃

👉 *Nabi ko chahne wale nabi se mohabbat ke dawe karne wale log apni zindagi me nabi ka ek amal bhi nahi laate apne mullaon ki peeron ki pairwi karte hai aur kahte hai hum nabi se mohabbat karte hai ye sab se bada dhoka hai*🍃

👉 *Waqt hai peeri mureedi maslaqo ki pattiya apni aankho se utar kar haq ki taraf aa jaye Quran o hadees ki taraf aa jaye ye sab se zabardast baat hai*🍃

👉 *Warna yaad rakhe Allah ka azaab bhi bada saqt hai*🍃

💕🍃 *Sallallahu Alahiwa sallam*🍃💕
____________________________

🌸🍃
*Dawat "e" Tauheed* 🍃🌸

*share with your family and friends*
____________________________

Read More

۩ WITR KI RAKAT: RAKAT of WITR

HHAQUE & BATIL ISLAMIC RESEARCH CENTRE

۩ WITR KI RAKAT:

Rasool ѕαℓℓαℓℓαнυ αℓαyнє ωαѕαℓℓαм ne farmaya,”Witr har Musalman ka haq hai. To jo shaks paanch rakat witr padhna chahe to wo (paanch) rakat padhe aur jo teen rakat witr padhna chahe to (teen rakat) padhe aur jo koi ek rakat witr padhna chahe to (ek rakat witr) padhe.”

Sunan Abu Dawud, hadith-1422, Sahih (Al-Albani).

Read More

Eid miladun nabi manane k lie kch sawal

HHAQUE & BATIL ISLAMIC RESEARCH CENTRE


*⚠JO JO LOG MILÃD UN NABI MANÃTE HAIN SAB KE SAB IDHAR  Ã  JAYEIN AUR IN SAWÃLON KE JAWÃB DE DEN❓*

*1⃣Rasoollallah Sallallahu Alaihi Wasallam ki Tãreeq e wilãdat mein 7 se ziyada aqwãl hain Aap kis din Jashn manãyenge❓*

*2⃣Aap jis din Jashn Eid milãd un Nabi manarahe hai wo Youm ul Wilãdat hai ya ye din Yaum ul Wafãt ❓*

*3⃣Agar Ye Jashn manãna Sawãb ka kaam hai tou Sahabã ne kis Saal(year) manãyã tha❓*

*4⃣ Agar Jashn Eid Milad un Nabi manãne ka hukm Nabi Sallallahu Alaihi Wasallam ne diya tou kounsi Hadees se sãbit hai aur Sahaba Raziallahu anhuma ne amal kyun nahi kiya❓*

*5⃣ Agr Sahabã akraam RaziAllahu anhuanhuma ne Eid Milad un Nabi nahi manaya to kya wo Nabi Sallallahu Alaihi Wasallam se mohabbat Nahi karte the❓* (Astaghfirullah)

*⭐Note :Tamãm sawãlon ke jawãb Qur'an aur Sahih -hadees ki daleel ke saath den.*

*Aur bahes kerne ke bajãye Daleel dhoond kar laayen warna "Bidat " se Taubah karke apni islãh karlen.*
 *Aur han is Post ko Firqaparasti aur Mulk parasti ki patti utaar kar padhein warna "Tassub" & "Bughaz" ke siwã kuch nazar nahi ayega.*
*
*🔹Tumhãre  liye ALLAH  ke Rasool (sallallahu Alaihi wasalama) main behtareen namunã hai*
📖(Surah Ahzãb 21)

*🔹"Aur us din zaalim Shakhs apne haath chabã ker kahega ke Haaye kaash ke Maine Rasool Sallallahu alaihi wasallam ki raah ikhtiyar ki hoti"*
📖(Al Quran , Surah Furqan ,Ayath Number 27 )

*🔹Nabi Kareem Sallallahu alaihi wasallam ne farmaya*:
*"Jisne Hamare is DEEN me apni taraf se koi nayi cheez paida ki, jo is me se Nahi hai toh wo MARDOOD hai (yani wo DEEN se kharij hai),*
*Har nayi cheez (jo DEEN me paida ho) BIDAT hai aur har BIDAT, gumrahi hai aur har gumrahi, JAHANNAM me le jaane wali hai ".*
📔( Sahih Al Bukhari, Hadis 2696, Sahih Al Muslim, Hadees 1718, Sunan Nasai 3/188)

*🔹 Abdullah Ibn Umar farmate hain,*
*Tamaam Bidatein gumrãhi hai agarche “Ba-Zaahir woh, logon ko acchi lagein*
📔(Sunan Kubra BAIHAQI (hadith138).

*ALLAHU AKBAR !*
*AB BHI WAQT HAI TAUBAH KE LIYE❗❗❗*

*⭐NOTE: AKSER LOG DALEEL MAANGNE PAR GAALIYIAN BAKTE HAIN JAB UNKE PAAS KOYI DALEEL MAUJOOD NAHI HOTI TO APNA FRUSTRATION NIKAALNE KE LIYE BADKALAAMI PER UTAR AATEY HAIN AISE LOGON SE ADABAN GUZARISH HAI ISLÃH E MUSLIMEEN MEIN OBSTACLE NA BANEIN AUR WASIL UL QALBI KE SATH KHUDKI BHI ISLÃH KAREIN AUR DUSRON KI BHI ISLÃH MEIN MADAD KAREIN.. JAZAKALLAHU KHAIRAN ❗*

Read More

Baitul kila(toilet) jane ki dua

HHAQUE & BATIL ISLAMIC RESEARCH CENTRE www.facebook.com/hbirc



Bismillah hir-Rahman nir-Rahim

Mafhum-e-Hadith: Baitul khala (Hamam) mein jatey waqt ki dua

Anas Bin Malik Radi Allahu Anhu se rivayat hai ki Rasoollallah Sallallahu Alaihi Wasallam jab baitul khla (hamam) mein jatey to ye Dua Parhtey
اللهم إني أعـوذ بك من الخبث والخبائث
“Allahumma Inni a’udhu bika minal khubthi Wal khaba’ith.”
(Eh Allah mein Khabis Jinno aur Jinniyon se teri panaaah mangta hun)

Sahih Bukhari, 6322
—————————————————


Ise bhi padhie.

dua qabool hone ka waqt

Read More